આજ ની " ગમ્મત "

ચીન્ટુ અને ચીમન એક મેળામાં ગયા. ત્યાં એક હેલિકોપ્ટર આવ્યું હતું, જે મેળાનો ચક્કર લગાવવાના 1000 રૂપિયા લેતું હતું. ચીમન હેલિકોપ્ટરમાં ફરવા માંગતો હતો, પરંતુ ચીન્ટુ કંજૂસ હતો. 

ચીન્ટુ- યાર, પાંચ મિનિટ બેસીને તુ ક્યાં રાજા બની જવાનો છે, 1000 રૂપિયાનો સવાલ છે. 1000 રૂપિયા એટલે 1000 રૂપિયા યાર.

તેમ છતાં ચીમન માનવા તૈયાર ન હતો. ચીન્ટુ વારંવાર એવુ સમજાવી રહ્યો હતો કે, સમજ યાર, 1000 રૂપિયાનો સવાલ છે.

ચીમન અને ચીન્ટુની આ દલીલ પાઇલોટે સાંભળી લીધી. 

પાઇલોટ- સાંભળો, હું તમારી પાસેથી કોઇ પૈસા નહીં લઉ, પરંતુ એક શરત કે હેલિકોપ્ટરમાં મુસાફરી કરતી વખતે તમારા બેમાંથી કોઇપણ એક શબ્દ નહીં બોલે. જો કોઇપણ એક શબ્દ બોલ્યો તો હું 1000 રૂપિયા લઇશ. 

બન્નેએ આ શરત માની લીધી. પાઇલોટે તેમને હેલિકોપ્ટરની પાછળની સીટે બેસાડ્યા, અને હેલિકોપ્ટર ઉડાડ્યું. આકાશમાં પાઇલોટે પોતાની અનેક ખતરનાક કરતબો બતાવી. જેથી બન્નેમાંથી કોઇ એક બૂમ પાડે. પરંતુ બન્નેમાંથી કોઇએપણ બૂમ પાડી નહીં. 

અંતે પાઇલોટ હેલિકોપ્ટર નીચે ઉતારવા લાગ્યો અને બોલ્યો- હવે તમે બોલી શકો છો, મે આટલી બધી કરતબો બતાવી, પરંતુ ન તો તમને બીક લાગી કે ન તો તમે કોઇ બૂમ પાડી. 

હવે ચીન્ટુ બોલ્યો- બીક તો ઘણી લાગી હતી, એ વખતે તે બૂમ નીકળી જાત જ્યારે ચીમન નીચે પડ્યો, પરંતુ યાર, 1000 રૂપિયાનો સવાલ હતો.

◠◡◠ જ્ઞાન સાથે ગમ્મત ◠◡◠

♥ રાકેશ મિસ્ત્રી ♥