આજ નુ " કાવ્ય "

આંસુને પી ગયો છું મને ખ્યાલ પણ નથી

એક રણ તરી ગયો છું મને ખ્યાલ પણ નથી

તમને ભૂલી જવાના પ્રયત્નોમાં આજ-કાલ

તમને ભૂલી ગયો છું મને ખ્યાલ પણ નથી

મારું સ્વમાન રક્ષવા જાતાં કદી કદી

હું કરગરી ગયો છું મને ખ્યાલ પણ નથી

કંટકની માવજતમાં અચાનક ઘણી વખત

ફૂલો સુધી ગયો છું મને ખ્યાલ પણ નથી.

વાતાવરણમાં ભાર છે મિત્રોના માનમાં

હું શું કહી ગયો છું મને ખ્યાલ પણ નથી

◠◡◠ જ્ઞાન સાથે ગમ્મત ◠◡◠

♥ રાકેશ મિસ્ત્રી ♥