આજ નુ " કાવ્ય "

અરે કોઈ ભીંતેથી ઉતારો આ આયના;

મારું પ્રતિબિંબ હવે એમાં દેખાય ના.

કમબખ્ત યાદ પણ સનમની એવી છે;

મને રડાવ્યા વિના કદી પાછી જાય ના.

આંસુની નદી વહેતી રહે છલોછલ એવી;

આ આંખોના બન્ને કિનારે એ સમાય ના.

કર્યા પ્રભુએ હસ્તાક્ષર હર પાંદડે પાંદડે;

પામર એવા આપણાથી એ વંચાય ના.

સૌને પિવડાવે આંખોથી સાકી રોજબરોજ;

ધરે પયમાના મને તો, આંખોથી પાય ના.

કરે એ મોઘમ ઇશારો નશીલી આંખોથી;

હાય! મુજ બેવકૂફને જરા ય સમજાય ના.

છે થોડી નજમ ને ઠાલી વાહવાહ દોસ્તોની;

એના સિવાય મારી બીજી કોઈ કમાઈ ના. 

થઈ એવી બૂરી હાલત નટવરની પ્રેમમાં;

દુઆ કરો,યારો એવી કદી તમારી થાય ના.

◠◡◠ જ્ઞાન સાથે ગમ્મત ◠◡◠

♥ રાકેશ મિસ્ત્રી ♥