‎**સફળતા જીંદગીની, હસ્તરેખામા નથી હોતી;

ચણાયેલી ઈમારત એના નકશામાં નથી હોતી.**

**સુભાગી છે સિતારા કે ગણતરી થાય છે એની,

પ્રણયમાં નહીં તો કોઈ ચીજ ગણનામાં નથી હોતી.**

**મને દીવાનગી મંજૂર છે આ એક બાબત પર,

મહોબ્બતની મજા તમને સમજવામાં નથી હોતી.**

**તમે મારાં થયાં નહીં તોય મારાં માનવાનો છું,

કમી સચ્ચાઈમાં હોય છે, ભ્રમણામાં નથી હોતી.**

**વધુ હસવાથી આંસુ આવતાંજોઈને પૂછું છું,

અસર એનાથી ઊલટી કેમ રોવામાં નથી હોતી ?**

◠◡◠ જ્ઞાન સાથે ગમ્મત ◠◡◠